2 lb. di filè di galiña
2 lamunchi grandi
1/2 telep di garlic salt
1 telep di Maggi Tastemakers (Chicken Flavour Seasoning)
1 kuchara di curry
1 kuchara di sambal oelek
Preparashon:
Laba e galiña bon den un tiki awa ku djus di 1 lamunchi. Skore e awa bon. Kòrta e galiña na blòki no muchu chikitu. Primi 1 lamunchi ariba. Agregá garlic salt, Maggi Tastemakers, curry i sambal oelek. Brua tur kos bon. Tapa e kòmchi ku pida plestic wrap i poné den frishidèr pa un par di ora òf pa 1 anochi. Despues ta hinka 4 pa 5 blòki di galiña na kada palu di saté. Pone un tiki zeta i manteka keinta den un panchi grandi i hasa e saténan tur dos banda aden.
Sous di Saté
E sous aki ta hopi dushi!! Por sirbi e sous aki ku saté di karni porko tambe. Por traha pika bal i pone nan den e sous aki tambe. Por traha e sous aki 2 dia promé ku ta bai sirbiele, lag’é fria i hink’é den frishidèr. Ora ta bai sirbi e sous nos ta keint’é riba stof.
1/2 kùp di manteka
1/2 kùp di zeta dushi
2 kuchara di pindakas (creamy)
2 kuchara di curry (òf mas)
1/2 telep di garlic salt
1/2 telep di Maggi Tastemakers (Chicken Flavour Seasoning)
1/2 telep di Chinese 5 spice powder
1 kuchara di sambal oelek
1/2 kùp di kètsup
±1 kùp di awa kayente (òf mas)
Preparashon:
Pone manteka ku zeta keinta den un wea mediano. Agregá e pindakas i keda drei bon ku un kuchara di palu. Lag’é kushi djis un ratu. Despues ta agregá curry i garlic salt, drei bon i lag’é kushi pa un par di minüt. Agregá sambal oelek i kètsup i lag’é kushi pa un par di minüt. Despues ta basha e awa kayente aserka, keda drei bon i laga e sous kaba di kushi bira poko diki. Ora e sous forma un zeta ariba e ta kla. Sirbi e sous ku saté.
Batata Hasá ku Creole Seasoning di Miami Spice
Kaska e batatanan, laba nan i kòrta nan. Stroi poko Creole Seasoning di Miami Spice ariba i hasa nan den zeta kayente.
